RSS

மமக எம்.எல்.ஏ-க்கு 1 ஆண்டு சிறை தண்டனை: பரபரப்பு தீர்ப்பு!

02 Oct

முறையாக அனுமதி பெறாமல் வெளிநாட்டிலிருந்து பணம் வசூலித்ததாக சிபிஐ தொடர்ந்த வழக்கில் மனிதநேய மக்கள் கட்சி எம்.எல்.ஏ ஜவாஹிருல்லாவுக்கு ஒரு ஆண்டு கடுங்காவல் தண்டனை விதிக்கப்பட்டுள்ளது.

கடந்த சட்டப்பேரவை தேர்தலில் அதிமுக கூட்டணியில் மனித நேய மக்கள் கட்சியின் சார்பாக ராமநாதபுரம் தொகுதியில் போட்டியிட்டு வெற்றி பெற்று எம்.எல்.ஏ வாக இருக்கும் தமுமுக தலைவர் ஜவாஹிருல்லாஹ் மீது தொடரப்பட்டிருந்த வழக்கொன்றில் சென்னை நீதிமன்றம் ஒரு ஆண்டு கடுங்காவல் தண்டனை விதித்து தீர்ப்பு கூறியுள்ளது.

இது தொடர்பாக சிபிஐ காவல்துறையினர் நேற்று வெளியிட்ட செய்திக் குறிப்பில் கூறியிருப்பதாவது:

“சிபிஐ காவல்துறையின் லஞ்ச ஒழிப்பு பிரிவு சார்பில் தமிழ்நாடு முஸ்லீம் முன்னேற்ற கழக மாநில தலைவர் எம்.எச்.ஜவாஹிருல்லாஹ், மாநில பொதுச் செயலாளர் எஸ்.ஹைதர் அலி மற்றும் எச்.சையது நிசார் அகமது, ஜி.எம்.சேக், நல்ல முகமது களஞ்சியம் ஆகியோர் மீது சென்னை எழும்பூர் கூடுதல் தலைமை மெட்ரோபாலிட்டன் நீதிமன்றத்தில் வழக்கு தொடரப்பட்டது.

கடந்த 15.12.1997 முதல் 20.6.2000 வரை இவர்கள் செய்த குற்றம் தொடர்பாக இந்த வழக்கு தொடரப்பட்டது. வெளிநாடுகளில் இருந்து ரூ.1 கோடியே 54 லட்சத்து 88 ஆயிரத்து 508 வசூலித்ததாகவும், இதற்கு முறையாக மத்திய அரசிடமோ, ரிசர்வ் வங்கியிடமோ அனுமதி பெறவில்லை என்றும் மேற்கண்ட 5 பேர் மீதும் வெளிநாட்டு பணம் முதலீட்டு ஒழுங்கு முறை சட்டத்தின் கீழ் குற்றம் சாட்டி வழக்கு போடப்பட்டது.

இந்த வழக்கில் சென்னை எழும்பூர் கூடுதல் தலைமை மெட்ரோபாலிட்டன் நீதிபதி பி.மோகன்தாஸ் தீர்ப்பு வழங்கினார். அந்தத் தீர்ப்பில் ஜவாஹிருல்லாவுக்கும், ஹைதர் அலிக்கும் தலா 1 ஆண்டு கடுங்காவல் சிறை தண்டனையும், சையது நிசார் அகமது, ஜி.எம்.சேக், நல்ல முகமது களஞ்சியம் ஆகியோருக்குத் தலா 2 ஆண்டுகள் சிறை தண்டனையும் விதித்து உத்தரவிட்டார்.

மேலும் இவர்கள் அனைவருக்கும் ரூ.1 லட்சத்து 40 ஆயிரம் (ஜவாஹிருல்லாஹ், ஹைதர் அலி ஆகியோருக்குத் தலா ரூ. 10 ஆயிரம், சையது நிசார் அகமது, ஜி.எம்.சேக், நல்ல முகமது களஞ்சியம் ஆகியோருக்குத் தலா ரூ.40 ஆயிரம்) அபராதமும் விதித்து தீர்ப்பு வழங்கினார்.

தண்டனை பெற்றவர்களில் எம்.எச்.ஜவாஹிருல்லாஹ் மனிதநேய மக்கள் கட்சியின் (ராமநாதபுரம் தொகுதி) எம்.எல்.ஏ. ஆவார்.
Source : http://www.inneram.com/2011100119189/mmk-mla-got-1-year-prison

 

Tags:

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: