RSS

துபாய் ஈமான் அமைப்பின் மதம் கடந்த மனிதாபிமான சேவை !

27 Jan

unnamed 2துபாய் ஈமான் அமைப்பின் மதம் கடந்த மனிதாபிமான சேவை ! இன்றைய தினகரன் செய்தி(27/01/14)மதுரை பதிப்பு
துபாயில் உயிரிழந்த தமிழகத்தைச் சேர்ந்த இரண்டு வாலிபர்களின் உடல்களுக்கு அந்நாட்டில் இயங்கி வரும் ஈமான் அமைப்பு சார்பில் இந்துமத வழக்கப்படி இறுதிச்சடங்கு நடத்தப்பட்டது.
கடலூர் மாவட்டம், திட்டக்குடி விநாயகனேந்தலைச் சேர்ந்தவர் சேகர் தங்கராஜ் (35). கடந்த செப். 1ம் தேதி உடல் நலக்குறைவு காரண மாக துபாய் ராஷித் மருத்துவமனையில் இறந்தார். முறையான ஆவணங்கள் இல்லாததால் இவரை பற்றிய விபரம் எதுவும் தெரியாமல் மருத்துவமனை நிர்வாகத்தினர் இந்திய துணைத் தூதரகத்தின் உதவியை நாடினர். இந்திய துணை தூதரகம் கேட்டுக் கொண்டதன்பே ரில் கீழக் கரை சலாஹூதீனை தலை வராக கொண்டு இயங்கும் துபாய் ஈமான் அமைப்பின் பொதுச்செயலாளர் குத்தாலம் அல்ஹாஜ் ஏ லியாக்கத் அலி தலைமையிலான குழுவினர் துணைப் பொதுச்செயலாளர் முஹம்மதுதாஹா மற்றும் ஊடகச் செயலாளர் முதுவை ஹிதாயத் ஆகியோர் இதுகுறித்து விசாரித்தனர். இதையடுத்து, 24 மணிநேரத்தில் இவரைப்பற்றிய தகவல் குடும்பத்தினருக்கு கிடைத் தது. ஈமான் அமைப்பின் நிர்வாகிகள் இறுதிச் சடங்கை துபாயில் நடத்துவதற்கு சேகர் தங்கராஜ் குடும்பத்தினர் அனுமதிக் கடிதம் கொடுத்தனர்.

  • unnamedராமநாதபுரம் மாவட்டத்தைச் சேர்ந்தவர் முனியசாமி தெய்வேந்திரன் (35). இவர் துபாயில் திடீரென இறந்துவிட்டார். இவரது உடலை ஆறு மாதத்திற்கும் மேலாக இவரது குடும்பத்தினர் பெற முடியவில்லை. இதையடுத்து அவரது இறுதிச்சடங்கை துபாயில் மேற்கொள்ள ஈமான் அமைப்பின் நிர்வாகிகளுக்கு குடும்பத்தினர் அனுமதி கடிதம் கொடுத்தனர். இருவரது இறுதிச் சடங்கும் ஈமான் அமைப்பு மூலம் துபாய் ஜெபல் அலி பகுதியில் நிறைவேற்றப்பட்டது.
    இந்திய துணை தூதரகத்தின் துணை கன்சல் ஜெனரல் மோகன், சமூகசேவகி ஜெயந்திமாலா சுரேஷ், ஈமான் பொதுச்செயலாளர் குத்தாலம் ஏ. லியா க்கத் அலி, துணைப்பொதுச்செயலாளர் முஹம்மது தாஹா, மக்கள் தொடர்பு மற்றும் ஊடகத்துறை செய லாளர் முதுவை ஹிதாயத், சுனில் பர்வானி, முஹம்மது, நாசர், பிள்ளை, இறந்தவர்களின் உறவினர்கள் கதிர் வேல், ராமன், மாரிமுத்து ஆகியோர் இறுதிச் சடங்கில் பங்கேற்றனர். இந்துமத வழக்கப்படி கோதாவரி பிரவீன்குமார் பூஜை செய்து உடல்கள் எரியூட்டப்பட்டன. இந்திய துணை தூதரகத்தின் உதவியுடன் குடும்பத்தினருக்கு எவ்வித செலவுமின்றி இத்தகைய பணியை ஈமான் அமைப்பு மேற்கொண்டது.
    துபாய் மற்றும் வடக்கு அமீரகங்களான ஷார்ஜா, அஜ்மான், உம்முல் குவைன், ராசல் கைமா மற்றும் புஜை ராவில் தமிழர்களுக்கு எதிர்பாராதவிதமாக ஏற்படும் இதுபோன்ற சம்பவங்களு க்கு ஈமான் அமைப் பின் துணைப் பொதுச்செய லா ளர் முஹம்மது தாஹாவை 050 46 74399 எனும் அலைபேசியில் அணுகலாம் என தெரிவிக்கப்பட்டுள்ளது. ஈமான் அமைப்பு மேற்கொண்டு வரும் இந்த மனிதாபிமான சேவையை இந்திய துணை தூதரகத்தின் கன்சல் ஜெனரல் மோகன் பாராட்டினார். இந்த சம்பவம் சமூக நல்லிணக்கத்திற்கு எடுத்துக்காட்டாக திகழ்வதாகவும் கூறினார்.

    Hameed yasin
    Secretary  – Function
    Iman Cultural center
    050 – 4753052
    052 777 8341

    by mail from Muduvai Hidayath
    1545593_10202930782169697_2081960385_nMuduvai Hidayath’s profile photo
    muduvaihidayath@gmail.com
    ETA ASCON

    Advertisements
     
  • Tags: ,

    One response to “துபாய் ஈமான் அமைப்பின் மதம் கடந்த மனிதாபிமான சேவை !

    Leave a Reply

    Fill in your details below or click an icon to log in:

    WordPress.com Logo

    You are commenting using your WordPress.com account. Log Out / Change )

    Twitter picture

    You are commenting using your Twitter account. Log Out / Change )

    Facebook photo

    You are commenting using your Facebook account. Log Out / Change )

    Google+ photo

    You are commenting using your Google+ account. Log Out / Change )

    Connecting to %s

     
    %d bloggers like this: