RSS

கடவுளின் சிருஷ்டியில்….

16 Feb

கடவுளின் சிருஷ்டி தன்னில்
காலங்கள் மாறிப் போகும்;
இடம்,பொருள்,ஏவல் என்னும்
இலக்கணம் பொய்யே ஆகும்!

மலைகளும் மடுக்க ளாகும்;
மடுக்களும் மலைக ளாகும்;
நிலை எலாம் மாறி மாறி
நிஜங்களும் பொய்களாகும்!

தலைமுறை மாறிப் புதிய
தத்துவம் தலையைத் தூக்கி
அலைகளைப் போல தோன்றி
அடுத்ததே புதுமை யாகும்!

அறிவியல் பூர்வ மான
அதிசயம் யாவும்;இந்த
முறையினில் மாறி இங்கு
முளைப்பதே மாயையாகும்!

காலங்கள் தோறும் மாறும்
கருத்துக்கள்;கண்டுபிடிப்பு
ஜாலங்கள் எல்லாம் இந்த
ஜனங்களின் திறமை யன்று!

வரைமுறை இதுதான் என்று
வரலாறு சொன்ன தெல்லாம்
சரியென்று ஏற்பதற் குள்
சரித்திரம் மாறிப் போகும்;

கடவுளின் செயலை இங்கு
கணித்திட வழியே இல்லை;
கடவுளின் சிருஷ்டிக் காலம்
கண்டவர் யாரும் இல்லை!

கடவுளைக் கண்ணில் கண்டு
கருத்துரைத் தோர்கள் இல்லை;
கடவுளே இல்லை என்று
கர்ஜிப்போர் உண்மை இல்லை!

கடவுளின் சிலை மீதென்று
கற்களை எறிவார் தாமும்;
கற்களைக் கடவுள் என்று
கண்களைக் கசிவார்தாமும்

கடவுளின் படைப்பு என்றே
காண்கின்ற அறிவு கண்டால்
மடமையில் லாத வாழ்வில்
மனிதரைக் காண லாகும்!

அழிந்தவை இன்னோர் வடிவில்
ஆவதை அறிவியல் சொல்லும்;
அறிவியல் இதுதான் என்று
ஆன்மீகம் எடுத்துக் கொள்ளும்!

முடிவிலா சிருஷ்டி தன்னை
முற்றிலும் அறிந்து இங்கு
விடைசொல யாரும் இல்லை;
வேறன்ன,விளக்கம் சொல்ல?

934804_895688373794135_5650506752197873694_n(6)
-கிருஷ்ணன் பாலா

நன்றி http://krishnanbalaa.blogspot.in/2010/12/blog-post_03.html?spref=fb

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: