RSS

“எவ்வளவு செலவில் வாங்கிய முதுமை!”.

22 Feb

இப்பொழுதெல்லாம் இதுபோன்ற சிகிச்சைகளுக்கு ஆகும் செலவு லட்சங்களில்.
இவ்வளவு செலவு செய்து நம்மைப் பாதுகாத்துத் தக்க வைத்துக் கொள்ள வேண்டியுள்ளது.
இதெல்லாம் என்ன செலவு! நண்பன் வ.வே.சு.வின் குரல் ஏளனம் செய்கிறது. ஆம், இந்த முதுமையை நீ எப்படிப் பெற்றாய்? “எவ்வளவு செலவில் வாங்கிய முதுமை!”. வ.வே.சு.வின் கவிதை வரிதான் அந்த ஏளனத்தைச் சுமந்து வருகிறது. கூடவே ஒரு பெருமூச்சு! எண்ணிப் பாருங்கள், consider and count என்ற இரண்டு பொருள்களிலும் எண்ணிப் பாருங்கள். எத்தனை நாட்கள், மணித்துளிகள், நொடிகள், எத்தனை ஸ்வாசங்கள், கோபதாபங்கள், வெடிச்சிரிப்புகள், வெற்றுப் பேச்சுகள், மற்றவரை நோகடித்த பொழுதுகள், எத்தனை செலவு செய்து இந்த முதுமையை யாசித்துப் பெற்றோம்!

தம் முதுமையையும், உடல் தளர்ச்சியையும்.பொருட்படுத்தாமல், தாம் யார்யாரைப் பாராட்ட வேண்டுமோ, அவரவரை மனம்திறந்து பாராட்டவும், தாம் ரசித்ததை மற்றவர்களோடு உற்சாகமாகப் ப்கிர்ந்து கொள்வதற்கும் தினமும் ஒரு விழா, ஒரு நிகழ்வு என்று சற்றும் யோசிக்காமல் வலம் வந்து கொண்டிருக்கும் என் இலக்கியத் தந்தை ஒளவை நடராஜன் போன்ற பெருமக்களே சோர்வகற்றி ஊக்கம் தரும் சான்றோர்.

ஒரு மெல்லிய பெருமூச்சுடன் 22 ஆண்டுகளுக்குமுன் நான் எழுதிய கவிதையுடன் இந்தச் சிந்தனையிலிருந்து இப்போதைக்கு விடைபெறுகிறேன்:

“முதுமையின் கனிவை நேசிக்கிறேன் – இருந்தாலும்
இளமையைத் தான்நான் யாசிக்கிறேன்
இளமையில் இருந்து முதுமையில் நுழைய
இருமுறை நானும் யோசிக்கிறேன்

அருவியின் வேகம் அலைகளின் ஆற்றல்
தென்றலைப் போலெங்கும் செல்லும் சுபாவம்
உதயத்தின் செம்மை உள்ளத்தில் உண்மை
இவையனைத் தும்,என் இளமையின் தன்மை

முதுமையின் கனிவை நேசிக்கிறேன்
இளமையின் கனவை யாசிக்கிறேன்
இளமையில் இருந்து முதுமையில் நுழைய
இருமுறை நானும் யோசிக்கிறேன்

மதுச்சுமை யால்மலர் தளர்வதில்லை
வாடி யுதிர்ந்துபின் வளர்வதில்லை
புதுச்சுமை யால்நான் தளரவில்லை – என்னை
நானே சுமப்பதை உணருகிறேன்

எதுவரைக் கும்நான் எனத்தெரி யாமல்
எதைநான் முதுமை யென்பேன்
இதுவரை எத்தனை என்றுண ராமல்
இதைப்போய் இளமை யென்றேன்

முதுமையின் கனிவை நேசிக்கிறேன்
இளமையின் கனவை யாசிக்கிறேன்
இளமையில் முதுமை முதுமையில் இளமை
இரண்டையும் ஒன்றாய் வாசிக்கிறேன்”

10931054_1387560831546545_7035523876870675089_nRavi Kalyanaraman

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: