RSS

Category Archives: கட்டுரைகள்(Article)

அம்மா

அம்மா

அம்மாவைப்பற்றி எவ்வளவு எழுதினாலும் தீராத அளவுக்கு நிறைய இருக்கிறது. சிறுவயதில் என் பாதங்களில் வெடிப்புகளின் காரணமாக இரவுகளில் தூங்க முடியாமல் தவிக்கும்போது தன் தூக்கத்தைத் தொலைத்துவிட்டு மெல்லிய வாயல் துணியால் வருடிக்கொண்டே இருந்த அம்மா… வளர்ந்து பெரியவனாகி வேலைக்குப் போனபிறகு, வேலைக்கு மட்டம்போட்டுவிட்டு காசுவைத்து சீட்டு விளையாடிக்கொண்டிருந்தவனைக் கையும் சீட்டுமாகக் கண்டபிறகும் அடிக்கவோ திட்டவோ செய்யாமல் இதுமட்டும் வேண்டாம்டா என்று கண்ணீர்விட்டுக் கெஞ்சி அழுத அம்மா…

1979இல் அப்பா ஆஸ்துமாவால் மறைந்தார்
1980இல் அக்கா மகள் சிறுமி ஃபரீதா புற்றுநோயால் மறைந்தாள்.
1981இல் அம்மா புற்றுநோயால் மறைந்தார்.

படம், சுமார் நாற்பதாண்டுகளுக்கு முன் அக்ஃபா கேமராவில் எடுத்தது. ஸ்லிப்பர் எனப்படும் ஹவாய் செருப்புக்கு மேலே அம்மா எதையும் அனுபவித்தது இல்லை.

அப்பாக்கள் பெரும்பாலும் படுத்துபவர்களாகவே இருக்க, அம்மாக்கள் படுத்தப்படுபவர்களாகவே இருப்பார்கள். அம்மாவின் நினைவுகளைத் தோண்டிப் பார்க்கிறேன். எப்படிப்பார்த்தாலும் அவர் இருந்தவரையில் பெரிய அளவுக்கு அவருக்கு நிம்மதி கொடுக்கும் வகையில் நடந்து கொண்டதாக நினைவில்லை. என்ன பாடு படுத்தியிருக்கிறேன் என்றுதான் தோன்றுகிறது. எல்லாம் காலம் கடந்த ஞானோதயம்தான்.

அப்போது படுத்தியதற்கு இப்போது பிராயச்சித்தம் செய்து கொள்கிறேனோ என்னவோ தெரியவில்லை. Read the rest of this entry »

Advertisements
 

கீழடி அகழ்வாராய்ச்சி குறித்த அதிர்ச்சி தரும் தகவல்கள் – எழுத்தாளர் முத்துகிருஷ்ணன் தகவல்

0c50137e0495f901f9427996e8d51b4b_XLதுபை (25 மார்ச் 2018) ஐக்கிய அரபு அமீரகம் கலை இலக்கிய ஆர்வலர்கள் சார்பாக நடத்திய “கீழடி எனும் தமிழ் நிலம்” என்ற கலந்துரையாடல் நிகழ்ச்சி சிறப்பான வரவேற்பைப் பெற்றுள்ளது. தமிழகத்திலிருந்து வருகை தந்திருந்த எழுத்தாளர் அ. முத்துக்கிருஷ்ணன், இந்நிகழ்ச்சியில் சிறப்பு விருந்தினராக கலந்து கொண்டார். இந்த நிகழ்ச்சியில், தமிழர்கள் குடும்பத்துடன் திரளாக வந்து கலந்து கொண்டனர்.

தொல்லியல் ஆராய்ச்சி என்றால் என்ன, அகழ்வாராய்ச்சியின் முக்கியத்துவம் ஒரு நாகரீகத்தின் தொன்மையினை நிச்சயிக்கும் அடிப்படைகள் குறித்த சிறு முன் குறிப்புடன் ஆரம்பித்த முத்து கிருஷ்ணனின் சிறப்புரையில் பேசப்பட்ட முக்கிய செய்திகள் : Read the rest of this entry »

 

நாணயம் – நன்றி இவை இரண்டும் எனது மந்திரச் சொற்கள். நாணயம் என்பது ‘சொன்னதைச் செய், செய்வதைச் சொல்.’

12243084_940987969304280_6632634808486392539_nசென்னையில் யாரையுமே அவருக்குத் தெரியாது. வீதியோரத்தில்தான் அவரது வீடு ஆனது. கையில் காசு கிடையாது. எழும்பூரைச் சுற்றி உள்ள உணவுச்சாலைகள், பயணமுககவர்நிறுவனங்களில் வேலை கேட்டார். கிடைக்கவில்லை. ‘யாருடைய அறிமுகமாவது இல்லாமல் வேலை தர முடியாது’ என்று துரத்திவிட்டர்கள். தோல்விமேல் தோல்வி. பசியுடன் எழும்பூர் தொடருந்து நிலையத்தில் பிச்சைக்காரர்கள், தொழுநோயாளிகள், பின்பைக்களவுக்காரர்கள் என விளிம்புநிலை மனிதர்களுடன் படுத்துக்கொண்டிருந்தார்.

ஒருநாள் இரவு பசி மயக்கத்தில் எழும்பூர் தொடருந்து நிலைய வீதியோரத்தில் படுத்திருந்தபோது படாரென்று ஓர் அடி விழுந்தது. எழுந்து பார்த்தால், அங்கே படுத்திருந்தவர்களை எல்லாம் சந்தேக கேஸ் போடுவதற்காக கா.துறைக்காரர்கள் சுற்றிவளைத்துக் கொண்டிருந்தனர். அடுத்து ஜெயிலுக்குப் போகப்போவது நிச்சயமானது. அவர், சடாரென்று ஓட்டம்பிடித்தார். கா.து ஒருவர் துரத்தினார். கா.து காரரால் அந்த இளைஞரைப் பிடிக்க முடியவில்லை. Read the rest of this entry »

 

ஜெசிலா பானு வசந்தம் இணைப்பிதழில் / COMING SUNDAY (07.02.2016) IT’S Jazeela Banu DAY

12662616_10208676118409940_7602900702401874284_nCOMING SUNDAY (07.02.2016) IT’S Jazeela Banu DAY
ஜெசிலா பானு செய்திருப்பது மகத்தான காரியம்தான். போற்றப்பட வேண்டியதுதான். அதனாலேயே ‘தினகரன் வசந்தம் இணைப்பிதழில் அவரை பேட்டி கண்டிருக்கிறோம்.
என்றாலும் ஹமீது சாருக்கு முதல் வணக்கத்தை தெரிவிக்காமல் இந்த அறிவிப்பை வெளியிட மனம் இடம்கொடுக்கவில்லை.
நாற்பது ஆண்டுகளுக்கும் மேல் தமிழ் நாளிதழ் ஒன்றில் புகைப்பட கலைஞராக பணிபுரிந்தவர். அனைத்து அரசியல் பிரமுகர்களுக்கும் அறிமுகமானவர். ஆனால், குறிப்பிட்ட ஒன்றிரண்டு வாசகர்களைத் தவிர வேறு யாருக்கும் இவரை தெரியாது. மற்றவர்கள் எல்லாம் ஹமீது சார் எடுத்த புகைப்படங்களை மட்டுமே பார்த்திருப்பார்கள். வியந்திருப்பார்கள். மற்றபடி இவரது பெயர் அண்டை வீட்டினர் கூட அறியாதது.
ஒருவகையில் நாளிதழ்களில் பணிபுரிபவர்கள் வாங்கி வந்த வரம் அல்லது சாபம் என்று இதை சொல்லலாம். வார பத்திரிகைகளில் வேலைப் பார்க்கும் நிருபர்கள் + புகைப்படக் கலைஞர்கள் மீது படும் வெளிச்சத்தில் அரை சதவிகிதம் கூட நாளிதழ்களில் பணிபுரியும் நிருபர்கள் + புகைப்பட கலைஞர்கள் மீது வாழ்நாள் முழுக்க படியாது. Read the rest of this entry »

 

ஞானம் பிறந்த கதை

-Vavar F Habibullah

12400679_10205471969747147_2665696046202029579_n

ஞானம் பிறந்த கதை
(A DROP IN THE OCEAN)
காட்சி ஒன்று…
இளம் துளி ஒன்று, கடலை சந்திக்க ஆர்வம் கொண்டது.
யார் நீ ?
பொங்கி எழுந்த
கடல் கேட்டது.
நான்
ஒரு
பெரும்
துளி.
இளம் துளி, பதில் சொன்னது.
“நான்”
செத்த பின்
நீ
வா.
பதில் உரைத்து விட்டு சீறிய பெருங்கடல்,
உள் வாங்கிக் கொண்டது. Read the rest of this entry »

 

சாலையோர சாயாக் கடைகளில்…

Abu Haashima

12522932_944465472298849_8503999941609191904_n

சாலையோர
சாயாக் கடைகளில்
உள்ளி வடை
மிளகாய் பஜ்ஜி
வாழைக்காய் பஜ்ஜி
உருளைக் கிழங்கு போண்டா
முட்டை போண்டா
உளுந்து வடை
பருப்பு வடை
மோதகம்
அதிரசம்
பணியாரம்
ஏத்தம்பழ அப்பம்
ஆட்டுக்கால் கேக்
சாப்பிடும் வாலிப வயோதிக அன்பர்களே!
சுடச்சுட பொரித்து வைக்கப்படும் பலகாரத்தை பார்த்த உடனேயே
உங்கள் வாயில் எச்சில் ஊறுதா ?
கடைக்காரர் துண்டு பேப்பரில் பலகாரம் வைத்துத் தருகிறாரா ?
அதில் பஜ்ஜியை அல்லது வடையை வைத்து எண்ணெயை பிழிகிறீர்களா ?
அதன் புறகு ருசித்து சாப்பிடுகிறீர்களா ?
சபாஷ் …
நல்லா சாப்பிடுங்க.
நீங்க வடையை வைத்திருக்கும்
பேப்பர் இருக்கே பேப்பர் …
அது … Read the rest of this entry »

 

” பாய்மார்களின் கப்பல் “

11880411_880454085366655_503734911154750252_n” பாய்மார்களின் கப்பல் “

பண்டையத் தமிழர்களோடு அதிகமான அளவுக்கு வணிகத் தொடர்பில் இருந்தவர்கள் யவனர்களே.
யவனர்கள் என்றால் அராபியர்கள்.
கேரளத்து கொடுங்கல்லூரிலிருந்து குமரியின்
குளச்சல்வரை வந்தவர்கள் அவர்கள்.
” யவனர் தந்த வினைமான் நன்கலம்
பொன்னோடு வந்து கறியொடு பெயரும் ”
என்பது சங்கத் தமிழ் பாட்டு.
உலகின் பல நாடுகளுக்கும் பாய்மரக் கப்பல்களில் அரபிகள் சென்றார்கள்.
அவர்கள் பயணம் செய்து வந்த கப்பல்களின் தோற்றத்தைக் கண்டு
தமிழ் மக்கள் வியந்தார்கள்.
யவனர்கள் வெண்ணிற குப்பாயம் அணிவார்கள்.
அவர்களை ” குப்பாயத்தார் ” என்று அழைக்கும் வழக்கம் தமிழர்களுக்கு
இருந்தது .
திருவிளையாடல் புராண காலத்திலேயே
” பள்ளிக் குப்பாயத்தார் ” என்று அரபிகளை வர்ணித்த வரிகள் வரலாறாய் இருக்கிறது. Read the rest of this entry »

 

Tags: